समृद्धी महामार्गावरील जळून खाक झालेल्या बसला पीयूसी प्रमाणपत्र देणं आल अंगलट

यवतमाळ : समृद्धी महामार्गावरील अपघातात जळून खाक झालेल्या विदर्भ ट्रॅव्हल्सच्या बसला दुसऱ्या दिवशी पीयूसी देणाऱ्या केंद्राचा परवाना कायमस्वरूपी रद्द करण्यात आला आहे. यानंतर यवतमाळच्या परिवहन अधिकाऱ्यांनी ही कार बुलढाणा जिल्ह्यातील सिंदखेडराजा जवळ नागपूर-पुणे बस अपघातानंतर पेटली होती. या अपघातात बसमधील २५ प्रवाशांचा होरपळून मृत्यू झाला. जळाल्यानंतर केवळ सांगाडा उरलेल्या या बसचे पीयूसी दुसऱ्या दिवशी एक जुलै रोजी यवतमाळ आरटीओ समोरील रॉयल पीयूसी सेंटरवरून काढण्यात आल्याचे उघड झाले. नियमानुसार पीयूसी काढण्यासाठी बस केंद्रावर नेणे आवश्यक होती. हा नियम डावलल्याचे स्पष्ट होताच उपप्रादेशिक परिवहन अधिकारी ज्ञानेश्वर हिरडे यांनी पीयूसी सेंटरचालक व बसमालक प्रगती भास्कर दरणे यांना नोटीस पाठविली. चौकशीत रॉयल पीयूसी सेंटरचे चालक मिंटो उर्फ साकिब अस्लम यांनी अपघातग्रस्त बसला ऑनलाइन प्रमाणपत्र दिल्याचे दिसले. यानंतर उपप्रादेशिक अधिकारी यांनी रॉयल पीयूसी सेंटरचा परवाना कायमचा रद्द केला.

विदर्भ ट्रॅव्हल्सच्या अपघातग्रस्त बसची यवतमाळच्या प्रादेशिक परिवहन कार्यालयात २४ जानेवारी २०२० रोजी नोंदणी झाली. बसचा परवाना २०२५पर्यंत वैध आहे. समृद्धी महामार्गावर झालेल्या अपघातानंतर बसच्या सर्व कागदपत्रांची तपासणी परिवहन विभागाकडून सुरू झाली. प्राथमिक चौकशीत ३० जून रोजी बसचे पीयूसी वैध नव्हते. मात्र ३ जुलैला एम-परिवहन अॅपवर या बसचे प्रदूषण नियंत्रण प्रमाणपत्र ३० जून २०२४पर्यंत वैध दिसत होते. १ जुलैला हे प्रमाणपत्र घेतल्याचीही नोंद आहे. ही अपघातग्रस्त बस यवतमाळच्या दरने बंधूंची असून पोलिस उपनिरीक्षक भास्कर दरने यांची पत्नी प्रगती यांच्या नावावर आहे

बसची ३० मार्चला पीयूसीची मुदत संपली. १ जुलैला यवतमाळ येथील एका केंद्रावरून पीयूसी प्रमाणपत्र घेतले गेले. या प्रकरणाची चौकशी सुरू होती. पीयूसी केंद्रचालक व बसमालक अशा दोघांनाही नोटीस पाठविण्यात आली होती. मात्र, पीयूसी केंद्राचा परवाना कायमचा रद्द करण्यात आला आहे.