मराठा समाजास कुणबी प्रमाणपत्र देण्यास विरोध; ओबीसींचा तहसीलदार कार्यालयावर प्रचंड मोर्चा

ओबीसींवर कशा प्रकारचा अन्याय सुरू आहे, त्यांचे आरक्षण कसे कमी करण्यास लावले आहे, पेसामुळे  या भागातील ओबीसी समाजातील स्थानिक सुशिक्षित तरुण, तरुणी नोकरीपासून कसा वंचित राहिला आहे याबाबत मोर्चातील एका तरुणाने व तरुणीने मार्गदर्शन करून यापुढे ओबीसींच्या प्रत्येक आंदोलनात ओबीसी तरुण पुढे असेल याची ग्वाही दिली. राजकीय पक्ष, संघटना विरहित झालेल्या या मोर्चासाठी उभारण्यात आलेल्या व्यासपीठावर कुठलाच पक्षाचा पुढारी, कार्यकर्ता निमंत्रित  नव्हता. न्याय मिळेपर्यंत हा लढा यापुढेही सुरूच ठेवण्याचा निर्धार यावेळी व्यक्त केला. मोर्चा वाडा तहसीलदार कार्यालयावर गेल्यानंतर शिष्टमंडळाने  मागण्यांचे निवेदन वाडा तहसीलदार मार्फत मुख्यमंत्र्यांना देण्यात आले.