दिनेश कार्तिकने एकाच क्षेत्रात मारले ४ चौकार, रोहित शर्मा म्हणाला- शाब्बास डीके,

वृत्तसंस्था : सिंह कितीही म्हातारा झाला, तरी शिकार करायला विसरत नाही… ही ओळ दिनेश कार्तिकला अगदी चपखल बसते. दिनेश कार्तिक ३८ वर्षांचा झाला आहे. आपण शेवटचा आयपील खेळत असल्याचे त्याने जाहीर केले, पण या खेळाडूची फलंदाजी अजूनही मजबूत आहे. दिनेश कार्तिकने मुंबई इंडियन्सविरुद्ध आपल्या तुफानी फलंदाजीचे कौशल्य दाखवले. दिनेश कार्तिकने केवळ २३ चेंडूत ४ षटकार आणि ५ चौकारांसह नाबाद ५३ धावा केल्या. दिनेश कार्तिकची फलंदाजी इतकी शानदार होती की, रोहित शर्माने त्याला सामन्यादरम्यान विश्वचषक खेळायचा असल्याचे सांगितले.

१३ व्या षटकात दिनेश कार्तिक क्रीझवर आला. मॅक्सवेल 0 धावांवर बाद झाला आणि धावगती वाढवण्याची जबाबदारी कार्तिकवर आली. कार्तिकने अगदी तसेच केले. या खेळाडूने मंत्रमुग्ध करणारे फटके खेळून मुंबई इंडियन्सच्या गोलंदाजांची लाईन खराब केली. १६ व्या षटकात कार्तिकने अशी अप्रतिम फलंदाजी केली की जगाला धक्का बसला. आकाश मधवालच्या षटकात कार्तिकने चार चौकार मारले आणि मोठी गोष्ट म्हणजे हे चार चौकार एकाच क्षेत्रात म्हणजेच थर्ड मॅनवर होते. दिनेश कार्तिकने रिव्हर्स स्कूप शॉट्सवर चारही चौकार मारले. दिनेश कार्तिकने अवघ्या २२ चेंडूत आपले अर्धशतक पूर्ण केले.

दिनेश कार्तिकच्या फलंदाजीशिवाय रोहित शर्माचा एक व्हिडिओही चर्चेत आला होता. रोहित शर्मा दिनेश कार्तिकला म्हणाला – शाब्बास डीके, अजून वर्ल्ड कप खेळायचा आहे. रोहित शर्मा हे गमतीने म्हणत असेल, पण दिनेश कार्तिक ज्या फॉर्ममध्ये आहे, ते पाहता रोहितचे म्हणणे बरोबर आहे, असे वाटते. दिनेश कार्तिकने या मोसमात ७१.५० च्या सरासरीने १४३ धावा केल्या आहेत. त्याचा स्ट्राइक रेट १९०  पेक्षा जास्त आहे.