फ्लेमिंगोंचा अधिवासाला धोका निर्माण करणारा रस्ता नको; राज्य सरकारच्या पाहणी पथकाच्या अहवाल

याशिवाय जेट्टीबाबत समस्यांचा आढावा आणि स्थानिक नागरिकांच्या प्रतिक्रिया घेण्यात आल्या आहेत, अशी प्रतिक्रिया पाहणी पथकाचे मंडळ निरीक्षक सुरेश रोकडे यांनी दिली. फ्लेमिंगोंच्या मृत्यूनंतर तत्कालीन वनमंत्री यांनी समिती नेमली होती. दरवर्षी हिवाळ्यात लाखोंच्या संख्येने सीवूड्स खाडी परिसरात फ्लेमिंगो पक्षी विणीच्या काळात येतात. मात्र गेल्या काही वर्षांत फ्लेमिंगोंची संख्या कमालीची रोडावली आहे. खाडी किनाऱ्यावर बांधलेला सुमारे दीड किलोमीटरचा डांबरी रस्ता आणि जेट्टीमुळेच ही संख्या रोडावल्याचे पर्यावरणप्रेमींचे म्हणणे आहे. तसेच या दोन्ही कारणांनी भरतीवेळी समुद्राचे पाणी येऊन नैसर्गिकरीत्या तयार झालेली पाणथळ जागा कोरडी झाली आहे. त्यामुळे फ्लेमिंगोंना मिळणारे खाद्या आणि वातावरण दोन्हींचा नाश झाला, असा दावा पर्यावरणप्रेमी संस्थांनी अनेकदा केला होता.

सीवूड्स खाडीकिनारा परिसरातील फ्लेमिंगो अस्तित्व धोक्यात आले आहे. खारफुटीच्या ५० मीटरच्या परिघात कोणत्याही बांधकामास बंदी असा नियम असताना त्याचे उल्लंघन करण्यात आले आहे. शहराच्या पाणथळ प्रदेशांचे संवर्धन करणेदेखील महत्त्वाचे आहे. कारण ते नैसर्गिक पूर-विरोधी यंत्रणा म्हणून काम करतात, मासेमारी व्यवसायपूरक वातावरण निर्माण करत पर्यावरणीय समतोल राखणे गरजेचे आहे. बी एन कुमार, संचालक, नॅटकनेक्ट फाऊंडेशन