सूर्यानं शतकावर नाव कोरताच हार्दिक पांड्या धावला, जे केलं त्यानं मनं जिंकली

मुंबई : सूर्यकुमार यादवनं गुजरातच्या गोलंदाजांचा समाचार घेत शतकी खेळी केली. अखेरच्या बॉलवर षटकार लगावत त्यानं शतकावर नाव कोरलं. सूर्यकुमार यादवनं ४९ बॉलमध्ये १०३ धावा करत मुंबईच्या विजयात महत्त्वाची भूमिका बजावली. आयपीएलमध्ये मुंबई इंडियन्स आणि गुजरात टायटन्स यांच्यात लढत झाली. त्या लढतीत मुंबईनं गुजरातपुढं २१९ धावांचं आव्हान विजयासाठी ठेवलं होतं. मात्र, गुजरातचा संघ २० ओव्हर्समध्ये १९१ धावा करु शकला. मुंबईच्या विजयात सूर्यकुमार यादवचं शतक महत्त्वाचं ठरलं. सूर्यकुमार यादवनं ४९ बॉलमध्ये १०३ धावा केल्यानंतर त्याच्यावर कौतुकाचा वर्षाव सुरु झाला.

सूर्यकुमारनं २० व्या ओव्हरमध्ये अखेरच्या बॉलवर षटकार लगावत शतक पूर्ण केलं. सूर्यकुमारनं शतक केल्यानंतर हार्दिक पांड्यानं धावत जाऊन सूर्यकुमारवर कौतुकाचा वर्षाव केला. सूर्यकुमार यादवच्या त्यापूर्वीच्या चौकार आणि षटकारांच्या आतिषबाजीवर देखील हार्दिक पांड्यानं टाळ्या वाजवून कौतुक केलं होतं. सूर्यकुमार यादववर कौतुकाचा वर्षाव करणाऱ्या हार्दिक पांड्याच्या कृतीनं मैदानातील प्रेक्षकांसह आयपीएलच्या चाहत्यांची मनं जिकंली.

सूर्यकुमार यादववर शतकी खेळीनंतर सर्वांकडून कौतुकाचा वर्षाव करण्यात आला. मास्टर ब्लास्टर सचिन तेंडुलकरनं सूर्यकुमार यादवचं कौतुक केलं. रणवीर सिंग यानं देखील सूर्यकुमारचं कौतुक करणारं ट्विट केलं. दुसरीकडे रोहित शर्मानं देखील सूर्याचं कौतुक केलं. हार्दिक पांड्यानं विरोधी संघातून खेळत असला तरी सूर्यावर कौतुकाचा वर्षाव केला. ज्यावेळी सूर्या चौकार षटकार लगावत होता त्यावेळी हार्दिक पांड्या टाळ्या वाजवत होता. ज्यावेळी सूर्यानं शतक पूर्ण केलं त्यावेळी हार्दिक पांड्यानं धावत जाऊन सूर्याचं कौतुक केलं.

सूर्यकुमार यादवनं ११ चौकार, आणि ६ षटकारांच्या मदतीनं १०३ धावा केल्या. सूर्याला ही धावसंख्या उभारताना विष्णू विनोद आणि कॅमरुन ग्रीनची मदत मिळाली. सूर्यानं मुंबईच्या डावाच्या अखेरच्या तीन ओव्हरपैकी १५ बॉलमध्ये ५० धावा केल्या.

दरम्यान, मुंबई इंडियन्सनं गुजरातचा पराभव करत तिसऱ्या स्थानावर झेप घेतली. त्यामुळं मुंबईसाठी प्ले ऑफमधील प्रवास सोपा होऊ शकतो. दुसरीकडे राशिद खाननं मुंबईचे मोठ्या विजयाचे इरादे यशस्वी होऊ दिले नाहीत.