आरोग्य : तुमच्या सांध्यामध्ये सतत दुखतंय अथवा सतत आखडल्यासारखे जाणवत आहेत का? कमी वयातही सांधेदुखीचा त्रास जाणवत असेल तर शरीरात युरिक अॅसिडचे प्रमाण वाढल्याचा हा परिणाम असू शकतो. युरिक अॅसिड हे एक शरीरात तयार होणारे टॉक्सिन असून जेवण पचल्यानंतर लिव्हर, आतडी आणि वॅस्क्युलर इंडोथेलियमपासून हे बनते. किडनीद्वारे युरिक अॅसिड फिल्टर होऊन बाहेर फेकले जाते.
यासाठी काळ्या मनुका उपयोगी ठरतात. काळ्या मनुकांमध्ये असणारे कार्ब्स, प्रोटीन, फायबर, साखर, कॅल्शियम, सोडियम, पोटॅशियम, लोह आणि विटामिन सी हे अत्यंत उपयोगी ठरते. हाडांच्या मजबूतीसाठी याचा अधिक फायदा मिळतो.
याशिवाय ज्यांना Osteoporosis आजाराचा त्रास आहे, त्यांच्यासाठी हे वरदान ठरते. यामध्ये High Calcium असून युरिक अॅसिडचे खडे शरीरामध्ये जमा न होऊ देण्यासाठी याचा उपयोग होतो. तसंच एका शोधानुसार, काळ्या मनुकांमधील मॅग्नेशियम हाडं कमकुवत होण्यापासून वाचवतात.
युरिक अॅसिड हे किडनी फिल्टर करते. मात्र याचा सर्वाधिक त्रास किडनीला होतो. त्यामुळे तुम्ही काळ्या मनुकांचे सेवन केल्यास, त्याचा किडनीला अधिक फायदा मिळू शकतो. याच्या सेवनामुळे किडनी अधिक चांगल्या पद्धतीने काम करते. किडनीमधून युरिक अॅसिड त्वरीत बाहेर पडण्यासाठी मनुकांचा उपयोग होतो. रोज रात्री पाण्यात मनुका भिजवून सकाळी उपाशीपोटी खाल्ल्याने किडनीला फायदा मिळतो.
रात्री १०-१५ काळ्या मनुका तुम्ही १ ग्लास पाण्यात भिजवा. सकाळी उपाशीपोटी दात घासून झाल्यानंतर या सर्व मनुकांचे सेवन करा. यामुळे सांध्यातील युरिक अॅसिड त्वरीत बाहेर फेकण्यास मदत मिळते. याशिवाय तुम्ही भिजवलेल्या मनुकांचे पाणीही पिऊ शकता. हा उपाय केल्यानंतर सांधेदुखीमध्ये सुधारणा तुम्हाला लवकरच दिसून येईल.
