बलात्काराची तक्रार दिल्याने तरुणाचा अल्पवयीन युवतीच्या घरासमोर धिंगाणा; लोणी काळभोर पोलीस ठाण्यात FIR

याबाबत पोलिसांनी दिलेल्या माहितीनुसार, फिर्यादी आणि आरोपी यांचे पूर्वी प्रेम संबंध होते. त्यातून आरोपीने ती अल्पवयीन असल्याचे माहिती असतानाही तिच्याशी जबरदस्तीने शारीरीक संबंध ठेवले. त्यातून फिर्यादी ही गर्भवती राहिली. तिने एका मुलाला जन्म दिला. गेल्या वर्षी जानेवारी २०२२ मध्ये तिच्या आईने फिर्याद दिल्याने सुरज पवार याच्याविरुद्ध पोलिसांनी बलात्कार व पोक्सो अ‍ॅक्टनुसार गुन्हा दाखल केला होता. त्यानंतर फिर्यादी या लोणी काळभोर येथील घरी असताना १ फेब्रुवारी रोजी आरोपी त्यांच्या घरी आला. फिर्यादीचे नाव घेऊन जोर जोरात ओरडून धिंगाडा घातला. फिर्यादीचा पाठलाग केला. त्यामुळे पोलिसांनी विनयभंगाचा गुन्हा दाखल केला आहे.