नवी दिल्ली : गेल्या तीन महिन्यांत अहमदी मशिदीवर हल्ला झालेला हा पाचवा आहे. असे म्हटले जाते की, पाकिस्तानमधील अतिउजव्या विचारसरणीच्या तहरीक-ए-लब्बैक संघटनेच्या संशयित लोकांनी कराचीतील अहमदी मशिदीत कथितपणे घुसखोरी केली आणि तिची तोडफोड केली.आर्थिक संकटाचा सामना करत असलेल्या पाकिस्तानमध्ये सातत्याने अशांतता असून येथील अहमदिया समुदायाच्या मशिदीवरील हल्ल्यांचे प्रमाण वाढत आहे. आर्थिक राजधानी म्हटल्या जाणाऱ्या कराचीमध्ये आणखी एका अहमदी मशिदीवर हल्ला झाला आहे. अनेकांनी अचानक मशिदीवर हल्ला करून हातोडा आणि छिन्नीने पूर्ण तोडफोड केली. गेल्या तीन महिन्यांत अहमदी मशिदीवर हल्ला झालेला हा पाचवा आहे. असे म्हटले जाते की, पाकिस्तानमधील अतिउजव्या विचारसरणीच्या तहरीक-ए-लब्बैक संघटनेच्या संशयित लोकांनी कराचीतील अहमदी मशिदीत कथितपणे घुसखोरी केली आणि तिची तोडफोड केली. स्थानिक वृत्तानुसार अनेक अज्ञात व्यक्तींनी कराची सदरमधील अहमदी मशिदीचे मिनार फोडले आणि हल्ल्यानंतर ते पळून गेले.
महिन्याभरात हल्ल्याची दुसरी घटना
हेल्मेट घातलेले काही लोक शिडी घेऊन आले आणि मशिदीवर चढले आणि तिची संरचना खराब करून घटनास्थळावरून पळ काढला. कराचीतील जमशेद रोडवरील अहमदी जमात खताचे मिनार पाडल्यानंतर महिन्याभरातील ही दुसरी घटना आहे. गेल्या तीन महिन्यांत अहमदी मशिदीवर हल्ला झालेला हा पाचवा आहे. स्थानिक सूत्रांचा हवाला देत, असे सांगण्यात आले की या ताज्या घटनेत सहभागी असलेले हल्लेखोर अतिउजव्या तेहरीक-ए-लब्बैक संघटनेशी संबंधित आहेत.
तहरीक-ए-लब्बैक म्हणजे काय ?
वृत्तसंस्था रॉयटर्सच्या वृत्तानुसार, तहरीक-ए-लब्बैक (मोव्हमेंट ऑफ द पैगंबर फॉलोअर्स) हा एक अतिरेकी सुन्नी इस्लामिक गट आहे ज्यांचे मुख्य लक्ष्य पाकिस्तानच्या कठोर ईशनिंदा कायद्यांचे संरक्षण करणे आणि निंदा करणाऱ्यांना शिक्षा करणे हे आहे. मुमताज कादरीच्या सुटकेच्या मागणीसाठी २०१५ मध्ये झालेल्या निषेध मोहिमेतून या संघटनेचा जन्म झाला. ईशनिंदा कायद्यात सुधारणा करण्याच्या मागणीसाठी या पोलीस रक्षकाने २०११ मध्ये पंजाबचे राज्यपाल सलमान तासीर यांची हत्या केली होती. कादरी यांना नंतर फाशी देण्यात आली. इस्लामिक गटाने २०१६ मध्ये कादरीच्या अंत्यसंस्काराच्या वेळी एक राजकीय पक्ष स्थापन केला ज्यामध्ये हजारो लोक उपस्थित होते. तथापि, त्यानंतर झालेल्या अनेक हिंसक चकमकींनंतर, अधिकाऱ्यांनी तहरीक-ए-लब्बेक ही दहशतवादी संघटना घोषित केली आणि त्याचा नेता साद रिझवी याला अटक केली, जो कोठडीत आहे.
