ठाणे : रेल्वे स्थानकावरील स्टाॅल निविदेच्या माध्यमातून मिळवून देतो अशी बतावणी करत एका महिलेने चार जणांची १३ लाख ४८ हजार रुपयांची फसवणूक केल्याचा प्रकार उघडकीस आला आहे. याप्रकरणी चितळसर पोलीस ठाण्यात महिलेविरोधात गुन्हा दाखल करण्यात आला आहे.
फसवणूक झालेले व्यक्ती हे ठाणे, कल्याण आणि अंबरनाथ भागातील आहेत. काही महिन्यांपूर्वी त्यांची ओळख एका व्यक्तीसोबत झाली होती. आपण रेल्वेत अभिंयता असून त्यांची वेदांत सर्व्हिस या नावाने कंपनी आहे. रेल्वेत निविदेच्या माध्यमातून वेगवेगळे स्टाॅल मिळवून त्याद्वारे व्यवसाय करू असे त्यांनी चारजणांना सांगितले. त्यामुळे चारही जणांनी त्यांना निविदेची रक्कम भरण्यासाठी टप्प्याटप्प्याने पैसे देण्यास सुरूवात केली. परंतु मे महिन्यात त्या व्यक्तीचा मृत्यू झाला. त्यानंतर त्यांच्या पत्नीने त्यांचे व्यवहार पाहण्यास सुरूवात केले. त्यामुळे फसवणूक झालेल्यांनी त्यांच्या पत्नीला पैसे देण्यास सुरूवात केली.
