दादर रेल्वे स्थानकावर विदेशी पिस्तुल, १४ काडतुसे घेऊन जाणाऱ्या आरोपी मॉडेलला अटक

मुंबई : मुंबईच्या कायमच गजबजलेल्या दादर रेल्वे स्थानकावर काही दिवसांपूर्वी बँगेत मृतदेह आढळल्यानं एकच खळबळ उडाली होती. याचदरम्यान आता मुंबई लोकल ट्रेनमध्ये इटालियन पिस्तुल घेऊन जाणाऱ्या बिहारच्या मॉडेलला जीआरपी पोलिसांनी बोरिवली रेल्वे स्थानकातून अटक केली आहे. मिळालेल्या प्राथमिक माहितीनुसार, पोलिसांनी अभय कुमार आणि उमेश कुमार चौरसिया या दोघांना शुक्रवारी मुंबईच्या बोरिवली रेल्वे स्थानकावरून रेल्वेत इटालियन बनावटीचे पिस्तूल घेऊन जाण्यासाठी अटक केली आहे.

बोरिवली रेल्वे स्थानकाजवळील पुलावर एका ट्रॉली बॅगमध्ये बेकायदेशीर पिस्तूल आणि १४ काडतुसे सापडल्याप्रकरणी मॉडेल अभय कुमारला अटक करण्यात आली आहे. बोरिवली रेल्वे स्टेशन पुलावर गस्त घालणाऱ्या एका हवालदाराने एका व्यक्तीला थांबवले आणि त्या व्यक्तीने पोलिसांपासून पळून जाण्याचा प्रयत्न केला. यानंतर कॉन्स्टेबलने त्याला पोलिस ठाण्यात आणले, तेथे तपासादरम्यान आरोपीच्या बॅगेतून एक विदेशी पिस्तूल आणि १४ काडतुसे जप्त करण्यात आली.

पोलिसांनी नियमित तपासणीदरम्यान मॉडेलला अटक केली. बोरिवली रेल्वे स्थानकाजवळील पुलावर एका ट्रॉली बॅगमध्ये अवैध पिस्तूल आणि १४ काडतुसे बाळगल्याप्रकरणी अभय कुमारला अटक करण्यात आली आहे. सध्या पोलीस या प्रकरणातील आरोपींची चौकशी करत आहेत. आरोपींनी बंदूक कुठून आणली? त्याचा हेतू काय होता? या सर्व प्रकरणाचा पोलीस तपास करत आहेत. आरोपींकडून लवकरच सर्व प्रश्नांची उत्तरे मिळतील, असे पोलिसांनी सांगितले. त्याचवेळी आरोपीने पोलिसांना प्राथमिक चौकशीत ही बंदूक स्टेटस सिम्बॉल म्हणून खरेदी केल्याचे सांगितले. आरोपींनी पिस्तूल अंदाजे १८,५०० रुपयांना आणि गोळ्या ५०४० रुपयांना खरेदी केल्या होत्या. याप्रकरणी पोलीस अद्याप मॉडेलची अधिक चौकशी करत आहेत.

या घटनेनंतर स्थानकाभोवती अधिक सतर्कता वाढवण्यात आली आहे. १५ ऑगस्टमुळे रेल्वे स्थानकावर आधीच सुरक्षा व्यवस्था कडक करण्यात आली आहे. येथे येणाऱ्या-जाणाऱ्या सर्व प्रवासी व संशयितांवर कडक नजर ठेवण्यात येत असल्याचे पोलिसांनी सांगितले.