खासगी मसाज सेंटरवर छापा; परदेशी महिलांना नोकरीवर ठेवून सुरु होता वेश्याव्यवसाय

या महिला बिझनेस व्हिसावर भारतात आल्या होत्या. पण त्या योग्य रोजगार व्हिसाशिवाय स्पामध्ये काम करत होत्या. या महिला थायलंड देशातील असल्याची माहिती समोर आली आहे. त्यांना सध्या मुंढवा इथल्या शासकीय महिला सुधारगृह इथे ठेवण्यात आलं आहे. कायदेशीर प्रक्रिया पूर्ण केल्यानंतर या चार महिलांना लवकरच त्यांच्या मायदेशी पाठविण्यात येणार असल्याचे विशेष शाखेचे पोलीस उपायुक्त आर. राजा यांनी सांगितलं.

दरम्यान या कारवाईत मसाज सेंटरचा मालक, व्यवस्थापकासह जागा मालकाविरुद्ध कोंढवा पोलीस ठाण्यात गुन्ह्याची नोंद करण्यात आली आहे. या महिलांकडे रोजगार व्हिसा नसतानाही त्यांना कामावर ठेवल्याप्रकरणी त्यांच्यावर ही कारवाई करण्यात आली. कोंढवा पोलीस पुढील तपास करत आहेत.

दरम्यान आठवड्याभरापूर्वी पुण्यातील कोरेगाव पार्क इथल्या स्पा सेंटरवर छापा टाकून पोलिसांनी वेश्याव्यवसायाचा पर्दाफाश केला होता. मसाज सेंटरच्या नावाखाली मुलींना वेश्याव्यवसायात अडकवणाऱ्या मसाज सेंटरच्या संचालकाला पोलिसांनी अटक केली. या कारवाईत पोलिसांनी घटनास्थळावरुन सात मुलींना ताब्यात घेतले. ज्यामध्ये अनेक मुली इतर राज्यातील सांगितल्या जात आहेत.

पुण्यात सातत्याने गुन्हेगारीत वाढ होताना दिसत आहे. रोज पुण्यात नवे गुन्हे समोर येत आहेत. महिलांवरील अत्याचार, लहान मुलांवरील लैंगिक अत्याचाराच्या घटना सातत्याने वाढत आहे. शिवाय कोयता गँग, चुहा गँगचीही दहशत पाहायला मिळते.